Fiskars: Uppgjör og einkunnir

Fyrsti í #Fiskars

A post shared by Eiríkur Örn (@eirikurorn) on

Ég man ekki hvað var fyrsta í fiskars. Sennilega er þetta þorskur með sólþurrkuðum tómötum og ólífum. Eitthvað þannig. Lítur girnilega út. Ég skýt á 7/10.

#fiskars part deux

A post shared by Eiríkur Örn (@eirikurorn) on


Annan dag fiskarsmánaðar var ég sennilega með rauðsprettu á byggbeði. Eða eitthvað. Skelfilegt að skrifa þetta ekki niður. Segjum 6/10.

#fiskars vs pizzaföstudagur

A post shared by Eiríkur Örn (@eirikurorn) on

Þriðji í fiskars var líka pizzaföstudagur. Skýrir sig sjálft. 8/10.

Kedgeree #fiskars

A post shared by Eiríkur Örn (@eirikurorn) on

Fjórða í fiskars var kedgeree með reyktri ýsu. 7,5/10 (mjög gott en svolítið þungt).

Rækjupasta #fiskars

A post shared by Eiríkur Örn (@eirikurorn) on

Fimmta í fiskars rækjupasta. 8/10.

Fiskisúpa m/ þorski, rækjum og reyktum laxi #fiskars

A post shared by Eiríkur Örn (@eirikurorn) on

Sjötti. Sennilega var þetta ekki nema 6,5/10 – óeftirminnilegt. En það var áreiðanlega rjómi í þessu og hann klikkar sjaldan. Í öllu falli var enginn afgangur svo einhverjum hefur þótt þetta gott.

Plokkfiskur á @messinnreykjavik #fiskars

A post shared by Eiríkur Örn (@eirikurorn) on

Sjöunda var ég kominn í ferðalag. Ég var ekki nógu ánægður með þennan plokkfisk – þetta var eitthvað smjörfræst. En ætla að gefa Messanum annan séns við tækifæri, það segja allir að þetta sé svo gott. 6/10.

Túnfisksamloka #fiskars #wheninkef

A post shared by Eiríkur Örn (@eirikurorn) on

Leifsstöð. Spicy Tuna á Joe & The Juice. 6/10.

Rækjusalat á Tante Gerda í Hamar #fiskars

A post shared by Eiríkur Örn (@eirikurorn) on

Hádegismatur í Hamar á Rolf Jacobsendagene. 5/10.

Sjávarréttahornið á tapasdisknum mínum #fiskars

A post shared by Eiríkur Örn (@eirikurorn) on

Ég át líka talsvert af kjöti í fiskars, en þá með eða á öðrum tíma (í hádeginu þá mest). En alltaf einhvern fisk. 8/10.

At Icelandic Fish & Chips #fiskars

A post shared by Eiríkur Örn (@eirikurorn) on

Þetta var mjög gott. Svolítið hipsteraleg þessi smjörfroða og það hefði auðvitað átt að vera maltedik með en fiskurinn var alveg solid. 9/10.

Víetnamskar vorrúllur með risarækjum og hnetusósu #fiskars

A post shared by Eiríkur Örn (@eirikurorn) on

Heimkominn fór ég í víetnamska nostalgíu. 8/10.

Regnbogasilungur, kartöflur og salat. #fiskars

A post shared by Eiríkur Örn (@eirikurorn) on

Ég gerði svo mikið af brjálæðislega góðri hnetusósu með vorrúllunum – notaði hluta af afganginum til að smyrja þennan vestfirska silung. 8/10.

Gufusoðinn steinbítur með jurtasósu. #fiskars

A post shared by Eiríkur Örn (@eirikurorn) on

Þetta er sennilega eftirlætisréttur Nödju. Þessi sósa – sem er bara smjör, sérrí, kóríander, (thai) basilika, steinselja og skalottlaukur – er svakaleg. 8/10 (Nadja færi sennilega í 9,5/10.

#fiskars vs pizzaföstudagur taka II: sardínupizza og plokkfiskhálfmáni

A post shared by Eiríkur Örn (@eirikurorn) on

Aftur kominn pizzaföstudagur. Það er plokkfiskur með bernaise innan í hálfmánanum. Plokkarinn fær 8,5/10. Hin 8/10.

Sill och potatis #fiskars

A post shared by Eiríkur Örn (@eirikurorn) on

Sænskasti rétturinn. 7,5/10.

Chutneylax, indverskt salat og naan. #fiskars

A post shared by Eiríkur Örn (@eirikurorn) on

Verst að fá bara frosinn lax. En sennilega stendur það til bóta með öllu þessu eldi. 7/10.

Cod liver sandwich #fiskars

A post shared by Eiríkur Örn (@eirikurorn) on

Þykkar franskbrauðssneiðar ristaðar á pönnu, hálf dós af lifur, hálft avókadó, lambhagasalat og „sterk sinnepssósa“ – hefði hugsanlega notað majones, en átti þetta til. Kúfuð skeið af svörtum hrognum. Salt og pipar. 9/10.

Beikonvafin langa #fiskars

A post shared by Eiríkur Örn (@eirikurorn) on

Nadja fór til Frakklands og þá var ástæða til að bæta kjöti í matinn. 7,5/10.

Hvítlauksristaður skötuselur og ribeye. #fiskars #toolatergram

A post shared by Eiríkur Örn (@eirikurorn) on

Þetta var síðasti dagurinn með eldhús. Svo kom smiðurinn og tók af mér eldhúsið og ég færði allt mitt hafurtask inn í stofu. Þar sem ég kláraði fiskars á hrísgrjónapotti, örbylgjuofni, vöfflujárni og George Foreman Lean Mean Fat-Reducing Grilling Machine. 9/10.

Tilbúinn réttur frá fiskbúð Kára Jó og hrísgrjón úr nýja hrísgrjónapottinum. #fiskars

A post shared by Eiríkur Örn (@eirikurorn) on

Ég man ekki alveg hvað þessi réttur frá Kára var. Sennilega langa í sinnepssósu. Ég hafði pantað hrísgrjónapottinn frá Reykjavík og hélt að hann kæmi ekki fyrren degi síðar – en svo kom hann og ég vildi prófa. Ég notaði örbylgjuofninn til að elda lönguna og svo notaði ég hann ekkert meir. 6,5/10.

Rúgvaffla með reyktum laxi. #fiskars

A post shared by Eiríkur Örn (@eirikurorn) on

Karlakórinn var að selja reyktan lax. Ég fékk hann heimsendan í vinnuna. 8/10.

Yum yum rækjunúðlur #fiskars

A post shared by Eiríkur Örn (@eirikurorn) on

„Tími til að njóta“. (Ég er reyndar alger sökker fyrir svona núðlum). 7/10.

Hörpudiskrisotto #fiskars

A post shared by Eiríkur Örn (@eirikurorn) on

Hrísgrjónapotturinn fékk að vinna fyrir laununum. Það er hægt að nota hann alls konar – t.d. steikja lauk í botninum. Ég segi ekki að risotto sem maður sinnir viðstöðulaust í góðum potti sé ekki betra – en þetta er ótrúlega próblemfrítt. Og hörpudiskurinn grillaður í Formanninum. 7,5/10.

Fyrsti (og sennilega síðasti) vatnakarfinn minn. #fiskars

A post shared by Eiríkur Örn (@eirikurorn) on

Ég keypti svona vatnakarfa í tælenska frystinum í pólsku búðinni (þegar tælensku búðinni var lokað breytist hún í horn í pólsku búðinni). Þegar ég kom heim fór ég að gúgla tegundinni – tinfoil barb hét þetta á umbúðunum – og fann bókstaflega enga uppskrift en mikið um að þeir væru hafðir fyrir gæludýr. Og eitthvað um að vatnakarfi almennt væri grillaður víða í asíu, bara svona beint upp úr vatninu. Ég gerði það en mæli ekki með því. Frekar leiðinlegur á bragðið og alveg skelfilega mikið af beinum. 3/10.

#fiskars dagsins: ciabatta með rækjusalati

A post shared by Eiríkur Örn (@eirikurorn) on

Körfuboltastelpurnar voru að selja rækjur. Ég hef bara held ég aldrei gert rækjusalat áður en geri oft túnfisksalat með svipuðum prinsippum. Heimalagað majo gerir gæfumuninn (og er fáránlega auðvelt – majomafíunni hefur einhvern veginn tekist að sannfæra heiminn um að það þurfi að kaupa dollurnar þeirra því þetta sé eitthvað moj, en það er alger misskilningur). 7/10.

Sushi #fiskars

A post shared by Eiríkur Örn (@eirikurorn) on

Aftur fékk hrísgrjónapotturinn að trylla lýðinn. Ég er enginn ægilegur sushikall – en hvað gerir maður ekki þegar maður á ekkert eldhús? Þetta var líka ágætt. 7/10.

Thai koon rækjur. #fiskars

A post shared by Eiríkur Örn (@eirikurorn) on


Þennan dag eldaði ég ekki neitt. Við fórum í mat til M&P um kvöldið og ég fékk mér þetta í hádeginu til að fiskarsa mig upp. 6,5/10.

Gullkarfi í kókósmüslihjúpi með tortillaflögum, salati og salsa. #fiskars

A post shared by Eiríkur Örn (@eirikurorn) on

Þetta var ótrúlega gott. 9/10.

Næstsíðasti í #fiskars : Asískar steinbítsbollur, spírusalat og rösti (frá Kára í Sjávarfangi).

A post shared by Eiríkur Örn (@eirikurorn) on

Þetta var líka alveg brjálæðislega gott. 9/10.

Síðasti í #fiskars meets pizzaföstudagur meets ekkert eldhús.

A post shared by Eiríkur Örn (@eirikurorn) on

Í staðinn fyrir pizzur gerði ég quesadillas í Formanninum. Börnin fengu sín venjulegu pizzaálegg en ég gerði eina með surimi, avocado, mozzarella og sterku salsa og aðra með reyktum laxi, pestó, lauki og mozzarella. Sú fyrri fær 7/10 en seinni 8,5/10.